Cuando el rey Nimrod al campo salia,
Mirava en el cielo y en la estreyeria,
Vido una luz santa en la giuderia,
Que havia de nacer Avraham avínu.
Avraham avínu, padre querido,
Padre bendicho, luz de Israel.
La mujer de Terach se quedo prenada,
E dia en dia ele preguntava,
De que tienes la cara tan de mudada,
Ella ya sabia el bien que tenia.
Avraham avínu, padre querido,
Padre bendicho, luz de Israel.